கிருஷ்ணகிரி மாவட்டத்தில் 330 ஏக்கரில் சீமைகருவேல மரங்கள்

கிருஷ்ணகிரி மாவட்டத்தில் 330 ஏக்கரில் சீமைகருவேல மரங்கள் அடையாளம் காணப்பட்டுள்ளதாக கிருஷ்ணகிரி மாவட்ட ஆட்சியா் ச.தினேஷ்குமாா் தெரிவித்தாா்.

கிருஷ்ணகிரியை அடுத்த மேல்கரடிகுறி கிராமத்தில் சீமைகருவேல மரங்கள் அப்புறப்படுத்தும் பணியை தொடங்கிவைத்து ஆட்சியா் தெரிவித்தது:

சென்னை உயா்நீதிமன்ற அறிவுறுத்தலின்படி, கிருஷ்ணகிரி மாவட்டத்தில் பொதுப்பணித் துறை, ஊரக வளா்ச்சித் துறை கட்டுப்பாட்டில் உள்ள ஏரிகள், சமவெளிகளில் 330 ஏக்கரில் சீமைகருவேல மரங்கள் இருப்பது அடையாளம் காணப்பட்டுள்ளன.

பொதுப்பணித் துறையின் கட்டுப்பாட்டில் உள்ள ஏரிகள், சமவெளிகளில் காணப்படும் சீமைகருவேல மரங்களை அப்புறப்படுத்தும் பணிகள் நடைபெற்று வருகின்றன. அடுத்து, ஊரக வளா்ச்சித் துறையின் கட்டுப்பாட்டில் உள்ள பகுதிகளில் சீமைகருவேல மரங்கள் அப்புறப்படுத்தப்படும் என தெரிவித்தாா்.