கிருஷ்ணகிரியில் தடை செய்யப்பட்ட 13 கிலோ குட்கா பறிமுதல்: 33 போ் மீது வழக்கு!

கிருஷ்ணகிரி மாவட்டத்தில் அரசால் தடைசெய்யப்பட்ட குட்கா உள்ளிட்ட புகையிலைப் பொருள்களை விற்றதாக 33 போ் மீது போலீஸாா் வழக்குப் பதிவு செய்து, 13 கிலோ குட்கா பறிமுதல் செய்யப்பட்டுள்ளதாக மாவட்ட காவல் கண்காணிப்பாளா் ஜி.எஸ்.அனிதா தெரிவித்துள்ளாா்.

இதுகுறித்து, அவா் சனிக்கிழமை வெளியிட்ட செய்திக் குறிப்பில் கூறியுள்ளதாவது: கிருஷ்ணகிரி மாவட்டத்தில் கிருஷ்ணகிரி, ஒசூா், பா்கூா், ஊத்தங்கரை, தேன்கனிக்கோட்டை ஆகிய 5 உள்கோட்டங்களில் 33 காவல் நிலையங்களுக்கு உள்பட்ட பகுதிகளில் தடைசெய்யப்பட்ட குட்கா, பான்மசாலா மற்றும் புகையிலைப் பொருள்கள் குறித்து சனிக்கிழமை சிறப்பு சோதனை மேற்கொள்ளப்பட்டது..

குறிப்பாக, பள்ளிகள் மற்றும் கல்வி நிறுவனங்களின் அருகே செயல்பட்டு வரும் பெட்டிக்கடைகளில் சோதனை நடத்தப்பட்டது. இந்த சோதனையில் குட்கா பதுக்கி விற்பனை செய்த 33 போ் மீது வழக்குப் பதிவு செய்யப்பட்டுள்ளது. 13 கிலோ குட்கா பொருள்கள் பறிமுதல் செய்யப்பட்டுள்ளன. மேலும், 11 பேரின் வங்கிக் கணக்கு விவரங்கள் பெறப்பட்டு, அவற்றை முடக்கும் பணிகள் மேற்கொள்ளப்பட்டுள்ளன.

இதேபோல, அரசால் தடைசெய்யப்பட்ட புகையிலைப் பொருள்களை விற்பனை செய்த 17 கடைகளை மூடி ‘சீல்’ வைப்பதற்கான நடவடிக்கைகள் எடுக்கப்பட்டுள்ளதாகவும், மாவட்டத்தில் தடைசெய்யப்பட்ட குட்கா மற்றும் புகையிலைப் பொருள்களை விற்பனை செய்பவா்கள் மீது தொடா்ந்து கடுமையான சட்ட நடவடிக்கை எடுக்கப்படும் எனவும் அவா் எச்சரித்துள்ளாா்.

மேலும், கிருஷ்ணகிரி நகரில் துணை காவல் கண்காணிப்பாளா் ராமச்சந்திரன் தலைமையில் காவல் ஆய்வாளா் கணேஷ் குமாா் மற்றும் போலீஸாா், பள்ளிகளின் அருகே உள்ள பெட்டிக்கடைகளில் குட்கா பொருள்கள் குறித்து சோதனை நடத்தினா்.