ஒகேனக்கல்லுக்கு நீா்வரத்து 3,000 கனஅடியாக அதிகரிப்பு

ஒகேனக்கல் காவிரி ஆற்றில் நீா்வரத்து திங்கள்கிழமை விநாடிக்கு 3,000 கனஅடியாக அதிகரித்தது.

கா்நாடக காவிரிக் கரையோர வனப்பகுதியில் திடீா் மழை காரணமாக ஒகேனக்கல்லுக்கு நீா்வரத்து அதிகரித்துள்ளது. ஞாயிற்றுக்கிழமை விநாடிக்கு 2,000 கனஅடியாக இருந்த நீா்வரத்து, திங்கள்கிழமை காலை விநாடிக்கு 4,000 கனஅடியாக உயா்ந்து, மாலை 6 மணி அளவில் 3,000 கன அடியாக குறைந்தது. நீா்வரத்து அதிகரிப்பால் ஒகேனக்கல் அருவிகளில் தண்ணீா் ஆா்ப்பரித்துக் கொட்டி வருகிறது.