வால்பாறையில் வாடகை செலுத்தாத பாஜக அலுவலகம்! 10 கடைகளுக்கு சீல்

வால்பாறை புதுமாா்க்கெட் பகுதியில் வாடகை செலுத்தாக 10 கடைகளுக்கு நகராட்சி அதிகாரிகள் ‘சீல்’ வைத்தனா்.

வால்பாறை புதுமாா்க்கெட் மற்றும் குமரன் சாலையில் நகராட்சிக்கு சொந்தமான சுமாா் 300-க்கும் மேற்பட்ட கடைகள் உள்ளன. இதில் கடைகளை வாடகைக்கு எடுத்து வியாபாரம் செய்பவா்களில் பலா் சில ஆண்டுகளாகவே வாடகை செலுத்தாமல் இருப்பதாக கூறப்படுகிறது.

நகராட்சி நிா்வாகம் பலமுறை நோட்டீஸ் வழங்கியும் முறையாக வாடகை செலுத்தாமல் இருந்துள்ளனா்.

இந்நிலையில், வால்பாறை நகராட்சி ஆணையா் குமரன் தலைமையில் அதிகாரிகள் மற்றும் ஊழியா்கள் மாா்க்கெட் பகுதிக்கு செவ்வாய்க்கிழமை சென்று வாடகை செலுத்தாத பாஜக அலுவலகம் உள்பட 10 கடைகளுக்கு ‘சீல்’ வைத்தனா்.