அரசுப் பள்ளியில் இரு எரிவாயு சிலிண்டா்கள் திருட்டு

செய்யாறு அருகே அரசுப் பள்ளியில் இரு எரிவாயு சிலிண்டா்கள் திருடப்பட்டது தொடா்பாக போலீஸாா் விசாரித்து வருகின்றனா்.

திருவண்ணாமலை மாவட்டம், வெம்பாக்கம் வட்டம், குண்டியாந்தண்டலம் கிராமத்தில் ஊராட்சி ஒன்றிய தொடக்கப் பள்ளி செயல்பட்டு வருகிறது. இந்தப் பள்ளியின் சத்துணவு அமைப்பாளா் (பொ) கெளரி (47), மாா்ச் 30-ஆம் தேதி சமையல் செய்து விட்டு அறையை பூட்டிச் சென்றாராம்.

மறுநாள் சென்று பாா்த்தபோது சமையல் அறையின் பூட்டு உடைக்கப்பட்ட நிலையில், அறையில் இருந்த இரு எரிவாயு சிலிண்டா்கள் திருடு போயிருப்பது தெரிய வந்தது.

இதுகுறித்து சத்துணவு அமைப்பாளா் கெளரி தூசி போலீஸில் ஞாயிற்றுக்கிழமை புகாா் அளித்தாா்.

காவல் உதவி ஆய்வாளா் பழனிவேல் வழக்குப் பதிவு செய்து விசாரணை நடத்தி வருகிறாா்.