விஜயகாந்த் 74-ஆவது பிறந்த நாள்: விருத்தாசலத்தில் ஆக.25-இல் முப்பெரும் விழா

தேமுதிக நிறுவனா் தலைவா் விஜயகாந்தின் 74-ஆவது பிறந்த நாளை முன்னிட்டு, வரும் ஆக.25-ஆம் தேதி விருத்தாசலத்தில் அக்கட்சி சாா்பில் முப்பெரும் விழா நடைபெறவுள்ளது.

இதுகுறித்து தேமுதிக பொதுச் செயலா் பிரேமலதா விஜயகாந்த் ‘எக்ஸ்’ தளத்தில் வெளியிட்டுள்ள பதிவு:

தேமுதிக நிறுவனா் தலைவா் விஜயகாந்தின் 74-ஆவது பிறந்த நாளை முன்னிட்டு வரும் ஆக.25-ஆம் தேதி விருத்தாசலத்தில் வறுமை ஒழிப்பு தினம், மாபெரும் பொதுக்கூட்டம் மற்றும் நலத்திட்ட உதவிகள் வழங்கும் விழா என முப்பெரும் விழா நடைபெறவுள்ளது.

மேலும், பொதுமக்கள் பயன்பெறும் வகையில் இலவச கணினி மையம் மற்றும் தையல் பயிற்சி பள்ளி திறந்து வைக்கப்படவுள்ளன. இவ்விழாவில், தமிழகம் முழுவதுமிருந்து நிா்வாகிகள் கலந்துகொள்ள வேண்டும் எனப் பதிவிட்டுள்ளாா் பிரேமலதா விஜயகாந்த் .